|
SubscriptionsSites I Read
|
|
|
|
| 估唔到standby俾人捉去巴黎呢d咁幸運既事都會發生係我身上, 實在難以置信。返黎仲要放星期5, 6, 日。可以同eason出街玩, 所以我決定星期6,日去長洲食海鮮慶祝!!係paris, 我真係用左好多力氣先控制自己唔好買lv既野。2500allowance袋袋平安, 我只係買左bioderma俾自己, 同埋caviar, 紅酒俾eason, 個喼好鬼重呀。經過一晚通肖, 我只係訓左兩個鍾就出左去玩, 去左小明屋企打便爐, then再去天水圍打牌, 又玩通肖, 搞到eason放左工又要黎接我, 仲要陪我打牌。好彩佢都冇怪我。訓左幾個鍾就去左中環過長洲, 果時已經係7:00, 坐係船尾望住中環同尖沙咀, 感覺好特別。我地山長水遠咁入去, 點知搵正一間唔好食既當叫"家常xx", 又貴又唔好食, 真係失望. 唯有食消夜補數。第2日, 我地去左elements行街, 都冇野買到。雖然行街時大家都有少少唔開心, 好彩大家都好快冇事。之後我地去左尖沙咀先買到野, 買左兩件衫, 由eason俾$, 呢種感覺真係特別開心。成個星期就係咁就完左la, 好開心呀。hahaha~~~ | | |
| 過左我同eason既生日喇.大家都為左令大家有個難忘既生日而努力。過完生日後, 其實我地都知道大家係心入面既地位有幾重要。我會好珍惜我份生日禮物, 因為我想要左好耐。亦都估唔到佢會咁快送俾我。望住佢既時候, 太難以相信眼前既佢係我男朋友, 以前成日同我食tea, 講keroro既eason好似唔見左。感覺怪怪地... | | |
| 估唔到我第一次做emergency case唔係係架飛機到, 而係係條街, 仲要係新加坡...我同3位同事著住uniform去買野食, 點知見到個女人好辛苦咁坐左係草叢入面, 咁我地就入去問佢咩事...佢冇出聲就暈左la.我地都好不知所措, 但因為有途人圍觀, 我地又好明顯係受過訓練既空姐, 要拎返d專業出黎la..咁我一個同事就不斷問個女人野..另一個就叫人call 白車, 另一個就clear現場, 我負責用個位小姐個電話黎搵佢d fd, 終於問到, 原來係哮喘病發...咁我地就即刻係佢手袋搵左支spray, spray左兩野冇反應...突然間有一個鬼佬行出黎幫我地, 但佢又唔係醫生wor...不過佢又好似好pro緊wor..點知個女人突然冇左呼吸wor..個鬼佬同另一個同事就做左人工呼吸, 我地都準備好隨時做心外壓, 不過好彩佢仲有pulse, 唔駛做...幾驚要做呀, 話哂第一次做真人wor..仲要係一個大胸既女人, 都唔知點做好..平時個公仔平架ma...見個女人有少少醒, 我同事諗住俾啖水佢飲, 我地即刻諗起, training school 話呢個時候水係好緊要, 但唔可以就咁俾佢飲, 只可以濕d係佢個咀邊, 我地照做, 佢真係有"lam" wor...果然冇錯呀...搞左成半個鍾, 白車都係未黎..大家都好激動, 因為我地冇儀器, 其實冇咩野可以做到, 唔同係架機到, 大把野用...最後9個字先黎, 搞左一大輪, 大家都散哂...唔知個女仔有冇事, 我地見佢上白車都醒返既...希望佢冇事la..佢係我人生入面第一個救既人。 | | |
| 今日同小明, 阿cheap食飯, 佢地都講起叫我男朋友介煙, 我都好想...當我同男朋友傾電話, 佢同我講行開一陣, 我問佢係唔係去食煙, 佢話係...我個心真係好心up..我諗左好耐。係佢未同我一齊之前, 我有問過佢, 如果佢女朋友好想佢介, 佢會唔會介, 佢好肯定咁話佢一定唔會。所以我一早應該知, 就算點佢都唔會介。我唔係想管佢既生活, 而係好明顯食煙係唔健康, 我唔想有一日佢唔係我食邊, 我發覺呢兩年我唔開心, 都係因為佢而開心返, 係大家都係朋友既時候, 我曾經有幻想過有一日如果佢唔理我會點..只係諗到呢度我已經忍唔住要喊..就算佢係咩身份, 男朋友, 朋友, 都好, 我都唔想佢有一日離開我。但係我可以做d咩, 佢每食一次, 我都好唔開心, 但我又要扮唔介意??我唔想俾壓力佢, 我知係好難介, 正如我都唔可以改到我既壞習慣, 我知已經食少左。曾經有人同我講過, 其實換另一個角度睇, 佢只係食煙, 又唔係嫖, 又唔係食粉, 又唔係爛賭, 都算係咁喇, 何況只係一日食幾支。我都唔知我係唔係應該開心... | | |
| 做完洛杉磯返黎, 真係好累, 想訓但又訓唔到, 隻腳又痛。今日心情真係不太好...下就同eason去左食車仔麵, 佢話我次次係洛杉磯返黎都好累...諗返起, 我好似每次去完美國都會搵佢食tea, 或者就係食肖夜。食完就返左屋企訓左半個鍾咁多jar...時差真係好痛苦。聽日仲要去書展, 大家返完工都唔夠rest, 點算......... | | |
|
